काठमाडौं, जेठ ३ । प्रमुख प्रतिपक्षी नेकपा (एमाले)ले ९ महिना पछि प्रतिनिधिसभामा जारी अवरोध अन्त्य गरेको छ।
बजेट अधिवेशनको पहिलो दिन एमालेले अवरोध गरेन। आफ्नो दलले कारबाही गरेका सांसदहरूलाई पदमुक्त नगरेको भन्दै एमालेले २३ भदौदेखि निरन्तर प्रतिनिधिसभा अवरुद्ध गर्दै आएको थियो। बैठक सुरु हुनासाथ विशेष समय लिएर बोेल्नुभएका एमाले सांसद प्रदीप ज्ञवालीले ज्ञवालीले मुलुक राष्ट्रिय शंकटतर्फ धकेलिँदै गरेकोले यस विषयमा छलफल गर्न एमालेले विरोधको स्वरूपलाई परिवर्तन गरेको बताए।
देश गम्भीर संकटमा परेका बेला पनि सरकार सत्ता सेटिङमा व्यस्त भएको उनले आरोप लगाए। ज्ञवालीले सत्ता सेटिङ सकिएको भए देश बचाउन एकजुट हुन आग्रह समेत गरे।
