काठमाडौं, जेठ १७ । गत आइतबार मुस्ताङमा दुर्घटना भएको तारा एयरको विमानमा परेर निधन भएका सबैको शव काठमाडौं ल्याइएको छ।
दुर्घटनामा निधन भएका २२ जना मध्ये एक जनाको शव फेला नपरेकोमा सुरक्षाकर्मीको टोलीले मंगलबार विहान शव फेला पारेका थिए। दुर्घटनास्थल मुस्ताङको थासाङ–२ सानुसरेबाट शव कोवाङ झारेर सेनाले हेलिकप्टरबाट काठमाडौं ल्याइएको हो।
सेनाले हिजो १० वटा शव काठमाडौं ल्याएको थियो । बाँकी शव आज ल्याएको हो। हिजो काठमाडौं ल्याइएका शव पोस्टमार्टमका लागि त्रिवि शिक्षण अस्पतालमा राखिएको छ। बाँकी शवहरू पनि ल्याएर पोस्टमार्टम गरी आजै परिवारजनलाई बुझाइने भएको छ।
