असार १५। गएराति डेनमार्कको कोपनहेगनस्थित पार्केन स्टेडियममा भएको रोमाञ्चक खेलमा खेलमा क्रोएसियालाई ५-३ गोल ले पराजित गर्दै स्पेन सन् २०१२ पछि पहिलो पटक युरोकपमा क्वाटरफाइनलमा पुगेको हो । निर्धारित समयको खेल ३-३ को बराबरी भएपछि स्पेनले अतिरिक्त समयमा दुई गोल गर्दै खेल जितेको हो । स्पेनले क्रोएसियालाई एक गोल उपहार दिएको थियो ।युरोकपमा एक खेलमा भएको यो दोस्रो धेरै गोल हो । यसअघि सन् १९६० को पहिलो संस्करणको पहिलो खेलमै फ्रान्स र युगोस्लाभियाबीचको खेलमा ९ गोल भएको थियो
सन् २००८ र २०१२ मा लगातार युरो उपाधि जितेको स्पेन २०१४ को विश्वकपमा समूह चरणबाटै बाहिरिएको थियो भने २०१६ को युरो र २०१८ को विश्वकपमा अन्तिम १६ बाट बाहिरिएको थियो ।
स्पेनले अब क्वाटरफाइनलमा स्वीट्जरल्याण्डसँग खेल्नेछ
