काठमाडौं, चैत ३० । सशस्त्र प्रहरीको आईजीपीमा पुष्पराम केसी नियुक्त भएका छन्। बुधवार बसेको मन्त्रिपरिषद् बैठकले केसीलाई सशस्त्र प्रहरी बलको प्रमुखमा नियुक्त गर्ने निर्णय गरेको हो।
अतिरिक्त महानिरीक्षक (एआईजी) पुष्पराम केसी र रामशरण पौडेल वरीयतामा अगाडी थिए। वरियाताको आधारमा सरकारले केसीलाई आईजीपीमा नियुक्त गरेको हो। केसीको कार्यकाल भने २१ दिन मात्र हुनेछ। उनी नेपाल प्रहरीमा २०४९ वैशाख १९ मा इन्स्पेक्टरमा भर्ना भएर पछि सशस्त्र प्रहरीमा प्रवेश गरेका थिए। पुष्पराम केसी कार्य तथा सीमा सुरक्षा विभागको प्रमुख थिए। उनी २०७९ वैशाख १८ मा अवकाशमा जाँदैछन्।
